નર્મદાનાં દેડિયાપાડા તાલુકાનાં મોહબી ગામે જમીનમાં ભાગ આપવા બાબતે મારામારી થઈ હતી. મળતી માહિતી મુજબ, મોહબી પટેલ ફળિયામાં ફરિયાદી ગુલીબેન વસંતભાઈ દમણિયા વસાવાના રહેણાંક ઘરના આંગણામાં આવી આરોપી કમલેશ વસાવાએ ફરિયાદી તથા સાહેદ વસંત વસાવાને જમીનમાં ભાગ કેમ નથી આપતા? તેમ કહી એકદમ ઉશ્કેરાઇ જઇ પાવડા વડે મારમારી ઇજાઓ કરી હતી તથા વસંતને મારી નાંખવાના ઇરાદે ગંભીર અને જીવલેણ ઈજાઓ કરતાં દેડિયાપાડા પોલીસ સ્ટેશનમાં આરોપી વિરુદ્ધ ખૂનની કોશિશનો ગુનો દાખલ કરવામાં આવ્યો હતો. બનાવ અંગે દેડિયાપાડા પોલીસ સ્ટેશનના દ્વારા તપાસ હાથ ધરવામાં આવી રહી હતી.