વ્યારા ખાતે બ્રહ્મા કુમારીઝ સેવા કેન્દ્ર દ્વારા ધોરણ ૫થી ૯ના વિદ્યાર્થીઓ માટે તારીખ ૨૫ એપ્રિલથી તારીખ ૨૭ એપ્રિલ ૨૦૨૫ દરમિયાન ત્રણ દિવસીય મૂલ્ય આધારિત સમર કેમ્પનું ભવ્ય આયોજન કરવામાં આવ્યું હતું. જેમાં અંદાજે ૧૦૦ જેટલા વિદ્યાર્થીઓએ ઉત્સાહપૂર્વક ભાગ લીધો હતો.

આ કેમ્પ દરમિયાન વિદ્યાર્થીઓએ રાજયોગ ધ્યાન અને માનવ મૂલ્યો અંગે વિવિધ સર્જનાત્મક પ્રવૃત્તિઓ તથા મૂલ્ય આધારિત રમતો દ્વારા માર્ગદર્શન મેળવ્યું હતું. જેમાં પ્રથમ દિવસે વિદ્યાર્થીઓએ ‘રાજયોગ ધ્યાન દ્વારા એકાગ્રતા’ વધારવાની રીતો અને સંબંધિત પ્રવૃત્તિઓનો અનુભવ કર્યો. બીજા દિવસે ‘સહકાર, એકતા અને ટીમ વર્ક’નાં મૂલ્યોને રસપ્રદ સમૂહ પ્રવૃત્તિઓ દ્વારા જીવંત બનાવવામાં આવ્યા હતા.

ત્રીજા અને અંતિમ દિવસે એટેલે કે તારીખ ૨૭ એપ્રિલ નાંરોજ  ‘આરોગ્ય, સ્વચ્છતા અને પર્યાવરણ જાગૃતિ’ જેવા મહત્વપૂર્ણ વિષયોની સમજ વિવિધ સર્જનાત્મક પ્રવૃત્તિઓ દ્વારા આપવામાં આવી હતી. કેમ્પના અંતે તમામ વિદ્યાર્થીઓને પ્રમાણપત્રો તથા સ્મૃતિ રૂપે ભેટવસ્તુઓ એનાયત કરવામાં આવ્યા હતા. સમગ્ર કેમ્પ દરમ્યાન વિદ્યાર્થીઓએ ઉત્સાહપૂર્વક અને આનંદભેર ભાગ લીધો તથા મૂલ્યમય શિક્ષણનો અમૂલ્ય અનુભવ મેળવ્યો હતો.