તાપીમિત્ર ન્યુઝ,વ્યારા:તાપી જિલ્લા એલસીબી પોલીસ સ્ટાફના માણસો હેડકોન્સ્ટેબલ લેબજીભાઈ,જગદીશભાઈ તથા પોલીસ કોન્સ્ટેબલ કશ્યપભાઈ, વિનોદભાઇ નાઓ પેટ્રોલીંગમાં હતા તે દરમ્યાન હેડકોન્સ્ટેબલ લેબજીભાઈ નાઓને ખાનગી રાહે બાતમી મળી હતી કે સોનગઢ પોલીસ સ્ટેશનના ચોપડે દાખલ થયેલ દારૂના ગુનામાં છેલ્લા ચાર માસથી નાસતો ફરતો વોન્ટેડ આરોપી પ્રતિકભાઈ છગનભાઈ ઉર્ફે છનાભાઇ ગામીત રહે,વાંકલા,નદી ફળિયું,તા-ડોલવણ,જી-તાપી નાઓ વ્યારાનાં જેસિંગપૂરા બસ સ્ટેશન પાસે ઊભો છે.જે હકીકતના આધારે એલસીબી પોલીસ સ્ટાફના માણસોએ બાતમીવાળી જગ્યાએ પહોંચી તેને ઝડપી પાડ્યો હતો અને તેની પૂછતાછ કરતાં તેણે ગુનાની કબૂલાત કરતાં પોલીસે તેની અટક કરી આગળની વધુ કાર્યવાહી હાથ ધરી હતી.