વલસાડ જિલ્લાનાં ધરમપુર તાલુકાનાં પીપરોળ ગામે ઇકો કાર પલ્ટી મારી જતાં કારનો ચાલક અને કારમાં સવાર અન્ય એક મુસાફરને ઓછી વત્તી ઈજા થઈ હતી.

સુત્રો પાસેથી મળતી માહિતી મુજબ, ધરમપુર તાલુકાનાં વાઘવળ ગામના નિશાળ ફળીયા ખાતે રહેતા સતીશભાઈ યશવંતભાઈ જાદવ શનિવારે તેમની ઈકો કાર લઈ કામકાજ અર્થે ધરમપુર આવ્યા હતા. જોકે કામકાજ પતાવી તેઓ ઘરે જવા માટે નીકળ્યા હતા. આ દરમિયાન એક મુસાફર તેમની કારમાં બેઠો હતો, પીપરોળ ગામેથી પસાર થતી વેળાએ ઈકો કારના ચાલકે અચાનક સ્ટેરીંગ ઉપરથી કાબુ ગુમાવી દેતા કાર પલટી ગઈ હતી. આ સાથે જ કારનાં ચાલક સતીશ જાદવ તથા કારમાં સવાર મુસાફરને ઓછીવત્તી ઇજા થઈ હતી. ઘટના બાદ ઇજાગ્રસ્તોને ધરમપુરની અલગ અલગ હોસ્પિટલમાં સારવાર માટે દાખલ કરવામાં આવ્યા હોવાનું સ્થાનિક લોકોએ જણાવ્યું હતું.